وائی ایس آرکانگریس کے رکن لوک سبھا رگھوراما کرشنا مستعفی

حیدرآباد: وائی ایس آرکانگریس کے نرساپورسے تعلق رکھنے والے رکن لوک سبھا کے رگھوراماکرشنا راجو نے ہفتہ کو پارٹی سے استعفی دے دیا۔

انہوں نے مکتوب استعفی پارٹی سربراہ و وزیراعلی جگن موہن ریڈی کو روانہ کرتے ہوئے کہاکہ پارلیمنٹ کی رکنیت سے انہیں نااہل قراردینے کیلئے وزیراعلی کی کوششیں رائیگاں ثابت ہوئیں۔

راجو جو 2019کے لوک سبھا انتخابات میں وائی ایس آرکانگریس کے ٹکٹ پر منتخب ہوئے تھے،نے اختلافات کے بعد پارٹی سے دوری اختیار کی تھی۔

وہ اپوزیشن جماعتوں سے قریبی تعلقات بنائے ہوئے تھے۔