بھارت

جگدیپ دھنکر نائب صدر جمہوریہ منتخب

قومی جمہوری اتحاد کی طرف سے نائب صدر جمہوریہ کے امیدوار اور بھارتیہ جنتا پارٹی کے سینئر لیڈر جگدیپ دھنکر کو ملک کا نیا نائب صدر جمہوریہ منتخب کیا گیا ہے۔

نئی دہلی: قومی جمہوری اتحاد کی طرف سے نائب صدر جمہوریہ کے امیدوار اور بھارتیہ جنتا پارٹی کے سینئر لیڈر جگدیپ دھنکر کو ملک کا نیا نائب صدر جمہوریہ منتخب کیا گیا ہے۔

دھنکر کو ہفتہ کے روز پارلیمنٹ ہاؤس میں ہونے والے نائب صدر کے انتخاب میں 528 ووٹ ملے۔

متحدہ ترقی پسند اتحاد کی امیدوار مارگریٹ الوا انتخابات میں 182 ووٹ حاصل کرنے میں کامیاب رہیں۔

یہ اطلاع نائب صدر کے انتخابی افسر اور لوک سبھا کے سکریٹری جنرل اتپل کمار سنگھ نے یہاں ایک پریس کانفرنس میں دی۔