آندھرا کے 8 نو منتخب ایم ایل سیز نے حلف لیا

امراوتی: آندھرا پردیش قانون سازکونسل کے 8نئے ارکان جو مختلف ادارہ جات مقامی کے حلقوں سے منتخب ہوئے ہیں‘پیر کے روز ریاستی اسمبلی میں عہدہ رازداری کا حلف لیا۔

8نئے ارکان کونسل کی حلف برداری تقریب کی صدارت صدر نشین قانون سازکونسل نے کی۔

صدر نشین نے جن 8نئے ایم ایل سیز کوحلف دلایاان میں کڑپہ کے رام سبا ریڈی‘ نیلور کے ایم مرلیدھر اور کے سرینواس‘مغربی گوداوری کے وینکٹ رویندر ناتھ‘مشرقی گوداوری سے کے ستیہ نارائنہ اور کرنول سے اے مدھوسدھن شامل ہیں۔

اس حلف برداری تقریب میں ڈپٹی چیف منسٹربی متیالہ نائیڈو‘ریاستی وزیر ریونیو دھارمنا پرسادراؤ‘وزیرآئی اینڈپی آر سی سرینواس وینوگوپال کرشنا اور دیگر شریک تھے۔