آخری عشرے میں عمرہ بکنگ کی سہولت دستیاب:وزارت حج و عمرہ

ریاض: وزارت حج و عمرہ نے کہا ہے کہ رمضان المبارک کے آخری عشرے میں عمرہ بکنگ کی سہولت موجود ہے۔

سبق ویب سائٹ کے مطابق وزارت نے کہا ہے کہ ’آخری عشرے میں عمرہ کرنے کے خواہشمند توکلنا اور نسک ایپ پر بکنگ کراسکتے ہیں‘۔وزارت نے کہا ہے کہ ’رمضان المبارک کے دوران ایک شخص کو ایک مرتبہ عمرے کی اجازت ہے‘۔

’زیادہ سے زیادہ لوگوں کو عمرہ کا موقع فراہم کرنے کے لیے تکرار کو منع کیا گیا ہے‘۔’علاوہ ازیں عمرہ خواہشمند کے لیے ضروری ہے کہ جو وقت دیا گیا ہے اسی کی پابندی کی جائے‘۔

وزارت نے کہا ہے کہ ’رمضان کے آخری عشرے میں عمرہ کے خواہشمندوں کے لیے ضروری ہے کہ وہ اپنے لیے مناسب وقت کا انتخاب کریں‘۔