اڈینووائرس سے مزید 4 بچوں کی اموات

کولکتہ: مغربی بنگال میں اڈینووائرس کی صورتحال تشویشناک ہوتی جارہی ہے۔ کولکتہ کے ایک دواخانہ میں گذشتہ 6گھنٹوں میں داخل مزید چاربچوں کے مرنے کی اطلاع آئی ہے۔

گذشتہ 9 دن میں 40بچے دم توڑچکے ہیں۔ اتوار کی صبح بی سی رائے چلڈرنس ہاسپٹل سے دو بچوں عاطفہ خاتون(18 ماہ) اور ارمان غازی(4 سال) کے دم توڑنے کی خبر آئی۔

شام 4بجے تک اسی دواخانے سے مزید چاراموات کی اطلاع ملی۔ اس طرح ایک دن میں 6بچوں نے دم توڑا۔

اڈینووائرس کی عام علامات فلو جیسی ہوتی ہیں۔ سردی‘بخار‘سانس لینے میں تکلیف‘ گلے میں خراش اور نمونیا اس کی علامات ہیں۔

یہ وائرس ہاتھ ملانے‘ کھانسنے‘چھینکنے سے پھیلتا ہے۔ اس کا کوئی خاص علاج نہیں ہے۔