بابر اعظم کی بادشاہت کو سوریا کمار یادو سے خطرہ

دبئی: پاکستان کے اوپنر اور کپتان بابر اعظم طویل عرصے سے بلے بازوں کی ٹی ٹوئنٹی انٹرنیشنل رینکنگ میں سرفہرست ہیں۔ لیکن اب ان کی جگہ خطرے میں ہے۔

انہیں ٹیم انڈیا کے مضبوط بلے باز سوریہ کمار یادو سے سخت مقابلہ مل رہاہے۔ ممکن ہے ایشیا کپ 2022 کے دوران سوریہ کمار بابر اعظم سے نمبر 1 ٹی ٹوئنٹی بلے باز کا تاج چھین سکتے ہیں۔ بابراعظم ٹی ٹوئنٹی انٹرنیشنل رینکنگ میں 818 پوائنٹس کے ساتھ ٹاپ بلے باز ہیں۔

یہاں ان کے ساتھی محمد رضوان (796) دوسرے اور سوریہ کمار یادو (792) تیسرے نمبر پر ہیں۔ یعنی بابر اور سوریا کے درمیان صرف 24 پوائنٹس کا فرق ہے۔ یہ ایک بہت چھوٹا خلا ہے جسے دو تین اچھی اننگز میں پر کیاجا سکتاہے۔ ٹیم انڈیا ایشیا کپ 2022 میں سوپر4 مرحلے میں تین میچ کھیلے گی۔

اس کے بعد اگر وہ فائنل میں پہنچتی ہیں تو سوریہ کمار کو چوتھا میچ بھی کھیلنے کا موقع ملے گا۔ اگر سوریا ان چار میچوں میں دو یا تین مضبوط اننگز کھیلتے ہیں تو وہ نمبر ٹی ٹوئنٹی بلے باز بن جائیں گے۔

اس کیلئے یہ بھی ضروری ہوگا کہ بابر اور رضوان اس ٹورنامنٹ میں زیادہ اچھی کارکردگی نہیں دکھا سکیں۔ سوریہ کمار یادو نے گزشتہ سال مارچ 2021 میں ٹی 20 انٹرنیشنل ڈیبیو کیا تھا۔

اس کے بعد سے وہ 25 میچ کھیل چکے ہیں۔ ان ٹی ٹوئنٹی انٹرنیشنل میچوں میں 6 نصف سنچریوں اور ایک سنچری کی مدد سے 758 رنز بنائے ہیں۔ اس دوران ان کی بیٹنگ اوسط 39.89 اور اسٹرائیک ریٹ 177.51 رہا۔ ایشیا کپ کے آخری میچ میں انہوں نے 26 گیندوں پر 68 رنز کی تیز اننگز کھیلی۔