بنگلہ دیش میں ہندوستانی شہریوں کو الرٹ رہنے کی اڈوائزری جاری

ڈھاکہ: بنگلہ دیش میں ہندوستانی سفارت خانہ نے اتوار کے دن اڈوائزری جاری کرکے ملک میں مقیم ہندوستانی شہریوں سے ”الرٹ“ رہنے کو کہا۔ شہر سلہٹ میں طلبہ کا احتجاج پھر سے شروع ہوگیا ہے۔

 کئی افراد زخمی ہوئے ہیں۔ اسسٹنٹ ہائی کمیشن آف انڈیا نے ایکس پر پوسٹ میں کہا کہ تمام ہندوستانی شہریوں بشمول طلبہ سے خواہش کی جاتی ہے کہ وہ ان کے دفتر سے رابطہ میں رہیں۔

انہیں مشورہ دیا جاتا ہے کہ وہ الرٹ رہیں۔ ایمرجنسی کے لئے ہیلپ لائن نمبر بھی جاری کیا گیا۔ اے ایچ سی آئی سلہٹ میں حکومت ہند کا نمائندہ دفتر ہے۔ وہ ہائی کمیشن آف انڈیا (ڈھاکہ) کے تحت کام کرتا ہے۔