تلنگانہ: شراب کی دکان میں ہوائی فائرنگ، دو لاکھ روپئے لوٹ لئے گئے

حیدرآباد: تلنگانہ کے ضلع میڑچل میں شراب کی دکان میں گھس کر ہوا میں گولی چلاتے ہوئے دو لاکھ روپئے لوٹ لئے گئے۔

یہ واردات ضلع کے موڑو چنتلہ پلی منڈل کے اُودے مری میں کل شب پیش آئی۔

اطلاع ملتے ہی پولیس وہاں پہنچی جس نے اس واقعہ کا سی سی ٹی وی فوٹیج حاصل کرلیا۔ یہ ویڈیو دیکھتے ہی دیکھتے سوشیل میڈیا کے مختلف پلیٹ فارمس پرتیزی کے ساتھ وائرل ہوگیا۔

پولیس اس واردات میں ملوث افراد کی تلاش کا کام کررہی ہے۔

دکان کے مالک بالاکرشنا اور ملازم جئے پال ریڈی پر بھی سنگباری کی گئی۔ملزمین نے لاٹھیوں سے ان پر حملہ کردیا۔یہ ملزمین منکی کیپ پہنے ہوئے تھے۔

پولیس نے کہا کہ ملزمین مفرور ہیں جن کی تلاش کا کام کیاجارہا ہے۔