دھونی سابق امریکی صدر ٹرمپ کے ساتھ گولف کھیلتے دیکھے گئے

نیوجرسی: ہندوستان ورلڈکپ فاتح کپتان ایم ایس دھونی کو سابق صدر امریکہ ڈونالڈ ٹرمپ کے ساتھ گولف کے دوستانہ راؤنڈ میں لطف اندوز ہوتے ہوئے دیکھا گیا۔

ٹرمپ نے وکٹ کیپر بیاٹر کی گولف کھیلنے کی میزبانی ٹرمپ نیشنل گولف کلب بیڈ منسٹر پر کی۔ دونوں کی ایک تصویر اور ویڈیو جس میں وہ کھیل رہے ہیں، سوشل میڈیا پر دکھائی دی۔

گروپ تصویر میں دھونی کو اپنے طویل زلفوں کے ساتھ دیکھا گیا جب کہ ٹرمپ سرخ رنگ کے کیاپ میں دیکھے گئے۔

رانچی کے کھلاڑی کو یو ایس اوپن میں چمپئن شپس کارلوس الکراز اور الیگزینڈر زیوریف کے درمیان کوارٹر فائنل میاچ سے لطف اندوز سے ہوتے ہوئے ایک دن قبل دیکھا گیا۔

دھونی نے چینائی سوپر کنگس کی آئی پی ایل ٹائیٹل میں 5 ویں مرتبہ جاریہ سال کے اوائل میں قیادت کی تھی۔