دلت کو مسلمان بنانے پر جوڑا گرفتار

مظفر نگر(یوپی): پولیس نے ہفتہ کے دن ایک جوڑے کو اترپردیش کے ضلع شاملی کے تھانہ بھون علاقہ میں ایک دلت کو ”غیرقانونی“ طورپر مسلمان بنانے پر گرفتار کرلیا۔

سپرنٹنڈنٹ پولیس ابھیشیک نے بتایا کہ ہم نے شوقین اور اس کی بیوی قمر کو گرفتار کرلیا۔ یہ دونوں نئی دہلی کے اوکھلا علاقہ کے رہنے والے ہیں۔

ان پر الزام ہے کہ انہوں نے چند دن قبل ایک دلت کا دھرم پریورتن (تبدیلی مذہب) کرایا۔ کہا جاتا ہے کہ اس جوڑے نے گاؤں کے بعض دیگر لوگوں کو بھی مسلمان بنایا۔

ان کے خلاف آئی پی سی کے علاوہ اترپردیش انسدادِ غیرقانونی تبدیلی مذہب قانون کی مختلف دفعات کے تحت کیس درج کیا گیا ہے۔ہماری ٹیمیں تحقیقات کررہی ہیں۔