عورتوں کا پیشانی پر چمکی لگانا

سوال:آج کل مسلمان عورتیں بھی دوسرے مذہب کی عورتوں کی طرح ماتھے پر چمکی وغیرہ لگار ہی ہیں ، اور کہتی ہیں کہ یہ فیشن ہے ، کیا ان کا یہ فعل جائز ہے ؟ (ہدایت اللہ خان، ملک پیٹ)

جواب:- یہ در اصل ہندو خواتین کا طریقہ ہے ، بلکہ یہ ان کے یہاں سہاگ کی علامت سمجھی جاتی ہے ،

رسول اللہ صلی اللہ علیہ وسلم نے مسلمانوں کو غیر مسلموں کی مشابہت اختیار کرنے سے منع فرمایا ہے ،

حضرت عبد اللہ بن عمر رضی اللہ تعالیٰ عنہما سے روایت ہے کہ آپ صلی اللہ علیہ وسلم نے فرمایا : من تشبہ بقوم فھو منھم (ابو داؤد، حدیث نمبر: ۴۰۳۱)؛

اس لئے مسلمان بہنوں کو ایسے فیشن سے گریز کرنا چاہئے ، عورتوں کے لئے بیشک زینت کی اجازت ہے ، لیکن اس کی بھی حدود ہیں ، اگر زینت کافروں اور فاسقوں سے تشبہ کے دائرہ میں آجائے تو جائز نہیں ۔