غیرمحسوب اثاثہ جات معاملہ، تلنگانہ ہائی کورٹ کی اے پی کے وزیراعلی کو نوٹس

حیدرآباد: تلنگانہ ہائی کورٹ نے آندھراپردیش کے وزیراعلی وائی ایس جگن موہن ریڈی کو نوٹس جاری کی ہے۔

ہائی کورٹ نے جگن کے غیر محسوب اثاثہ جات کے معاملہ میں سابق ایم پی ہری رام جوگیا کی جانب سے داخل کردہ مفاد عامہ کی درخواست کی سماعت کی ہے۔

چیف جسٹس جسٹس آلوک ارادے، جسٹس این وی شراون کمارپر مشتمل بنچ نے اس درخواست کی سماعت کرنے سے اتفاق کرتے ہوئے رجسٹری کو حکم دیا کہ وہ اس عرضی کو ایک نمبر تفویض کرے۔

اس درخواست میں جگن کے غیر محسوب اثاثوں کے معاملے میں سی بی آئی عدالت کے ذریعہ جانچ کرنے کی ہدایت دینے کی عدالت سے خواہش کی گئی ہے۔

انہوں نے کہا کہ 2024 میں اے پی اسمبلی انتخابات سے قبل مقدمہ کے تصفیہ کے احکامات دیئے جائیں۔