فرضی سرٹیفکیٹ سے اگنی ویر میں بھرتی کی کوشش، 2 گرفتار

بریلی: اترپردیش کے ضلع بریلی میں آرمی کے جاٹ ریجمنٹ سنٹر میں چل رہی‘اگنی ویر ریلیشن کوٹہ بھرتی’میں دو امیدواروں کو جعل سازی کے الزام میں گرفتار کیا گیا ہے۔

پولیس نے جمعرات کو بتایا کہ آرمی میں تقرری کے لئے آگرہ باشندہ ارون خان اپنا نام دھرم راج رکھ کر پہنچ گیا۔ اس کا ایک دیگر ساتھ پھال سنگھ نے اپنا نام رنجیت رکھ لیا اورفرضی سرٹیفکیٹ کی بنیاد پر آرمی میں تقرری کے لئے پہنچ گیا۔

تقرری عمل کے دوران بائیو میٹرک جانچ میں دونوں کی حقیقت کھل گئی اور اصلیت سامنے آگئی۔ آرمی انٹیلیجنس نے دونوں کو بدھ کی دیر رات بریلی کینٹ پولیس کو سونپ دیا۔

پوچھ گچھ کے بعد ایف آئی آر درج کرنے دونوں کو آج جیل بھیج دیا گیا ہے۔ایس پی ستی راہل بھاٹی نے بتایا کہ بریلی میں جاٹ ریجمنٹ سنٹر بھرتی کے دوران ان دو جعل سازوں کو گرفتار کیا گیا ہے۔

ان کے قبضے سے فرضی آدھار کارڈ، شناختی کارڈ، تعلیمی سرٹیفکیٹ اور فرضی ذات سرٹیفکیٹ ملے ہیں۔ دونوں کے خلاف مقدمہ درج کیا گیا ہے۔