لالو پرساد یادو کی ای ڈی میں حاضری

پٹنہ: راشٹریہ جنتادل (آر جے ڈی) سربراہ لالو پرساد یادو نے پیر کے دن انفورسمنٹ ڈائرکٹوریٹ(ای ڈی) میں حاضری دی۔

ان کی یہ حاضری مبینہ لینڈ فار جاب اسکام کی منی لانڈرنگ تحقیقات کے سلسلہ میں ہوئی۔ آر جے ڈی سربراہ اپنی بیٹی میسا بھارتی کے ساتھ 11:05 بجے دن پٹنہ میں ای ڈی کے دفتر پہنچے۔

نتیش کمار کی بے وفائی کے ایک دن بعد انہوں نے ایجنسی میں حاضری دی۔ لالوپرساد کی سنگاپور میں مقیم بیٹی روہنی آچاریہ نے دعویٰ کیا کہ میسا بھارتی کی باربار گزارش کے باوجود عہدیداروں نے ایجنسی کے دفتر میں ان کے ساتھ کسی کو بھی آنے نہیں دیا۔