پرانا شہر حیدرآباد کے کالاپتھر پولیس اسٹیشن حدود میں پولیس کی گھر گھر تلاشی مہم

حیدرآباد: عوام میں بھروسہ پیداکرنے اور جرائم کی وارداتوں کی روک تھام کے سلسلہ میں پرانا شہرحیدرآباد کے کالاپتھر پولیس اسٹیشن کے حدود میں کل شب پولیس نے گھر گھر تلاشی مہم چلائی۔

ڈی سی پی ساوتھ زون سائی چیتنیہ کینگرانی میں پولیس نے تقریبا 250 مکانات کی تلاشی لی۔

پولیس نے نامناسب نمبرپلیٹس یا پھر گاڑیوں کی نمبرپلیٹس میں الٹ پھیر پر مقدمات درج کرلئے۔

پولیس نے جرائم کی وارداتوں پر مقامی ہسٹری شیٹرس کو انتباہ بھی دیا۔

پولیس نے عوام سے خواہش کی کہ وہ پولیس کو اس علاقہ میں ہونے والی غیر سماجی سرگرمیوں سے واقف کروائے۔

پولیس نے تقریبا 40گاڑیوں کو ضبط کرلیا جن کے دستاویزات نہیں تھے۔