ایشیاء

چینی وزیر خارجہ کو عہدہ سے ہٹا دیا گیا

چن گینگ کو گزشتہ برس دسمبر میں وزیر خارجہ تعینات کیا گیا تھا اور انہیں چینی صدر شی جن پنگ کا معتمد خاص سمجھا جاتا ہے۔

بیجنگ: چین نے اپنے وزیر خارجہ چِن گینگ کو تقرری کے 7 ماہ سے بھی کم عرصے میں عہدے سے فارغ کردیا۔ برطانوی نشریاتی ادارے کے مطابق نئے وزیر خارجہ حکمران جماعت کمیونسٹ پارٹی کے فارن افیئرز چیف وانگ ای ہوں گے، وہ پہلے بھی اس عہدے پر فائز رہ چکے ہیں۔

متعلقہ خبریں
مسئلہ فلسطین حل ہوجائے تو اسرائیل کو تسلیم کیا جاسکتا ہے: سعودی وزیر
طاقت کے نشہ میں چور سرکش قوتیں مٹ جاتی ہیں، مسلمان تاریخ کے اوراق سے سبق لینا سیکھیں: مولانا حافظ پیر شبیر احمد
دنیوی طاقت سے خوفزدہ ہونا جمعیۃ علماء کی فطرت نہیں : حافظ پیر خلیق احمد
ہم مصیبتوں پر یشانیوں اور برے وقت کے باوجود اللہ سے شکوہ کرنے کی بجائے ہر حال میں اس کا شکر ادا کریں: مولانا حافظ پیر شبیر احمد
ماہ رجب میں عبادات کی طرف بھر پور توجہ دی جائے اور گناہوں سے بچنے کا خصوصی اہتمام کیا جائے : مولانا حافظ پیر شبیر احد

عہدے سے ہٹائے جانے والے 57 سالہ وزیر خارجہ چن گینگ کو آخری بار 25 جون کو عوامی سطح پر دیکھا گیا تھا جس کے بعد سے ان کا کچھ پتہ نہیں تھا، ان کی غیر حاضری پر وزارت خارجہ نے بھی چپ سادھ رکھی تھی جس نے قیاس آرائیوں کا جنم دیا تھا۔

چن گینگ کو گزشتہ برس دسمبر میں وزیر خارجہ تعینات کیا گیا تھا اور انہیں چینی صدر شی جن پنگ کا معتمد خاص سمجھا جاتا ہے۔

اس حوالے سے چین کی سرکاری خبر رساں ایجنسی شنہوا نے اپنی رپورٹ میں کہا ہے کہ ’چین کے اعلیٰ ترین قانون ساز ادارے نے وانگ ای کو وزیر خارجہ مقرر کرنے کے حق میں ووٹ دیا ہے اور چن گینگ کو عہدے سے ہٹا دیا گیا ہے۔‘

چن گینگ کو عہدے سے ہٹائے جانے کی کوئی وجہ بیان نہیں کی گئی تاہم رپورٹس میں یہ کہا گیا ہے کہ چینی صدر شی جن پنگ نے چن گینگ کو فارغ کیے جانے کے فرمان پر دستخط کردیے ہیں۔