گورنر کوشیاری نے اپنی تمام حدیں پار کردیں: ادھو ٹھاکرے
ادھو نے کہاکہ کوشیاری اس کرسی کا احترام کرنا چاہیے جس پر وہ براجمان ہے ،" شیوسینا کے سربراہ نے مزید کہا کہ ، "انھیں جہاں سے وہ آئے ہے وہاں واپس بھیجنا چاہیے نیز یہ فیصلہ ہونا چاہیے کہ آیا انھیں واپس بھیجا جانا چاہیے یا جیل،"۔
ممبئی: مہاراشٹر کے سابق چیف منسٹر اور شیو سینا کے سربراہ ادھو ٹھاکرے نے مہاراشٹر کے گورنر کوشیاری کے ممبئی کے بارے میں متنازعہ تبصرے پر تنقید کرتے ہوئے کہا کہ گورنر نے نہ صرف ریاست کے اصل باشندوں ‘مراٹھی مانوس کی توہین کی ہے بلکہ یہ بیان دیکر اپنی تمام حدیں پار کر دیں ہے۔ ٹھاکرے نے الزام لگایا کہ کوشیاری نے یہ بیان جان بوجھ کر دیاہے ۔
شیو سینا کے سربراہ نے کہا، "کوشیاری نے حدیں پار کر دی ہے۔ انھیں اس کرسی کا احترام کرنا چاہیے جس پر وہ براجمان ہے ،” شیوسینا کے سربراہ نے مزید کہا کہ ، "انھیں جہاں سے وہ آئے ہے وہاں واپس بھیجنا چاہیے نیز یہ فیصلہ ہونا چاہیے کہ آیا انھیں واپس بھیجا جانا چاہیے یا جیل،”
انہوں نے کوشیاری سے معافی کا بھی مطالبہ کرتے ہوئے مزید کہا کہ اس قسم کی توہین ناقابل برداشت ہے۔ واضح رہیکہ گورنر بی ایس کوشیاری نے ممبئی کے مضافات اندھیری میں راجستھانی صنعت کار شانتی دیوی چمپا لال کوٹھاری کے نام سے ایک سڑک کو منسوب کرنے کی جمعہ کی دیر شام منعقدہ ایک تقریب سے خطاب کیا۔
اُنہوں نے کہا تھا کہ اگر عرس البلاد ممبئی اور اس سے متصلہ ، تھانے ضلع سے گجراتیوں اور راجستھانیوں کو ہٹا دیا جائےتو ممبئی مالی دارالحکومت نہیں رہے گی اور پیسوں سے خالی ہوجائیگی۔ گورنر کے اس بیان کی چوطرفہ مزمت کی گئی ہے اور اسے ریاست کے مراٹھی باشندوں کی توہین قرار دیا گیا ہے
گورنر نے مارواڑی گجراتی برادری کی سشائش بھی کی تھی اور کہا کہ وہ جہاں بھی جاتے ہیں، اس علاقے کی ترقی میں وہ ایک اہم کردار ادا کرتے ہیں خصوصی طور پر عوامی فلاح کے مختلف کام مثلا اسپتال واسکول کا قیام ان کے مالی تعاون سے عمل میں آتا ہے
میں کبھی کبھی لوگوں کو بتاتا رہتا ہوں کہ اگر گجراتیوں اور راجستھانیوں کو مہاراشٹر سے نکال دیا جائے – خاص طور پر ممبئی اور تھانے سے، تو آپ کے پاس کوئی پیسہ نہیں بچے گا گورنر ۔کوشیاری نے اپنے خطاب میں کہا تھا جسکا ویڑیو سوشل میڑیا پر وائرل ہورہاہے اور ریاست کی اپوزیشن پارٹیوں نے اسے تنقتید کا نشانہ بنا یا
شیوسینا اور کانگریس دونوں نے گورنر کے تبصرے پر ردعمل ظاہر کیا اور اسے مراٹھی برادری کی توہین قرار دیا۔ شیو سینا لیڈر سنجے راوت نے کہا کہ جیسے ہی بی جے پی کے زیر نگرانی وزیر اعلیٰ اقتدار میں آتا ہے مراٹھی باشندوں کی توہین کی جاتی ہے۔
سنجے راوت نے ٹویٹ کیا، "وزیراعلی شندے، کم از کم گورنر کی مذمت کریں۔ یہ مراٹھی محنتی لوگوں کی توہین ہے۔”انہوں نے گورنر کا ویڈیو بھی شیئر کیا ہے۔ کانگریس لیڈر سچن ساونت نے بھی اس ویڈیو کو ٹویٹ کیا اور کہا کہ مہاراشٹر کے گورنر کی طرف سے مراٹھی لوگوں کی توہین خوفناک ہے۔ نیشلسٹ کانگریس پارٹی نے بھی گورنر کے بیان کی مزمت کی ہے
