ہندوستان سب کو ساتھ لے کر چلنے میں یقین رکھتا ہے: موہن بھاگوت

لدھیانہ: راشٹریہ سویم سیوک سنگھ (آر ایس ایس) کے سربراہ موہن بھاگوت نے روز کہا کہ دنیا کے کئی ممالک ہندوستان کی طرف دیکھ رہے ہیں کیونکہ وہ (ہندوستان) سب کو ساتھ لے کر چلنے میں یقین رکھتا ہے۔

بھاگوت نے یہاں بھینی صاحب نامدھاری انٹرنیشنل ہیڈکوارٹرس میں ست گرو پرتاپ سنگھ اور ماتا بھوپیندر کور کی یادگاری تقریب سے خطاب کرتے ہوئے یہ بات کہی۔

انھوں نے کہا کہ ہندوستان کا کام دنیا میں توازن پیدا کرنا ہے اور وہ اپنا رول بخوبی نبھا رہا ہے۔ ہندوستان کوئی خودغرض ملک نہیں ہے۔ وہ سب کو ساتھ لے کر چلنے میں یقین رکھتا ہے۔

دائیں بازو کے ہندو لیڈر نے کہا کہ کچھ ایسی طاقتیں ہیں جو نہ صرف سماج میں پھوٹ ڈال رہی ہیں بلکہ ملک کے ساتھ ساتھ دنیا کو بھی نقصان پہنچا رہی ہیں۔ ان طاقتوں سے متحدہ مقابلہ کرنا ہوگا۔ انھوں نے کہا کہ مذہب کا پیام اتحاد ہے۔ وہ نفاق کی بات نہیں کرتا۔