تلنگانہ اور اے پی میں دسویں جماعت کے امتحانات کا آغاز

حیدرآباد: دونوں تلگو ریاستوں تلنگانہ اورآندھراپردیش میں آج سے دسویں جماعت کے امتحانات شروع ہو گئے ہیں۔

ریاست بھر میں 2,676 امتحانی مراکز قائم کیے گئے ہیں اور 5.05 لاکھ طلبہ امتحان یہ امتحان تحریر کررہے ہیں۔ طلباء کے لیے آرٹی سی بسوں میں مفت سفرکی سہولت فراہم کی گئی ہے۔

طلباء اپنے ہال ٹکٹ دکھا کر آرٹی سی بسوں میں مفت سفر کر سکتے ہیں۔دوسری طرف آندھراپردیش میں 6,23,092 ریگولر طلباء 3,473 مراکز میں امتحانات تحریر کررہے ہیں۔

ریاست کے تمام 130 مشکل امتحانی مراکز میں سی سی ٹی وی کیمرے نصب کیے گئے ہیں۔ نقل کو روکنے کے لیے سوالیہ پرچوں پر کیوآرکوڈز پرنٹ کیے گئے ہیں۔