مشی گن والمارٹ اسٹور میں 11 افراد چاقو کے حملہ میں زخمی

ٹریورسٹی(امریکہ)27جولائی (اے پی) ٹریورسٹی کے والمارٹ میں ہفتہ کے دن کم از کم 11 افراد کو چھراگھونپا گیا۔ ان میں 6کی حالت نازک ہے۔ شہر کے شیرف نے یہ بات بتائی۔ ایک مشتبہ شخص کو حراست میں لیا گیا ہے۔

گرینڈ ٹریورس کاؤنٹی کے شیرف مائیکل نے کہا کہ 11بہت بڑی تعداد ہے لیکن خدا کا شکر ہے کہ یہ تعداد اِس سے زیادہ نہیں۔ والمارٹ اسٹور کے باہر ایمرجنسی گاڑیاں دکھائی دیں۔ ٹریورس سٹی سے تقریباً 25میل دور رہنے والی ایک 36 سالہ خاتون نے کہا کہ وہ پارکنگ لاٹ میں تھی کہ اطراف کے علاقہ میں افراتفری مچ گئی۔

اس نے کہا کہ یہاں جو ہوا وہ آپ فلموں میں دیکھتے ہیں۔ آپ جہاں رہتے ہیں وہاں اس کی توقع نہیں کرسکتے۔ منسن ہیلتھ کیر نے سوشل میڈیا پر کہا کہ 11 افراد کا شمالی مشی گن کے سب سے بڑے دواخانہ میں علاج جاری ہے۔ 6کی حالت نازک ہے۔ جو ہتھیار استعمال ہوا وہ فولڈنگ چاقو لکتا ہے۔ قبل ازیں مشی گن اسٹیٹ پولیس نے کہا کہ مشتبہ شخص کو حراست میں لے لیا گیا۔

WATCH: Armed citizens stop stabbing spree suspect at Michigan Walmart

Officials say 11 people were injured—6 critically—in what’s being called a “random” attack. pic.twitter.com/Gtn0q1lYbW

— Jack⚡Breaking News (@Jack_Breaking) July 27, 2025

سمجھا جاتا ہے کہ وہ مشی گن کا رہنے والا ہے۔ والمارٹ نے ایک بیان میں کہا کہ وہ تحقیقات میں عہدیداروں کا تعاون کرے گا۔ ایسا تشدد ناقابل قبول ہے۔ ہماری ہمدردیاں زخمیوں کے ساتھ ہیں۔

ہم ابتدائی طبی امداد پہنچانے والوں کی فوری کارروائی کے شکر گزار ہیں۔ مشی گن جھیل کے کنارے واقع ٹریورسٹی میں لوگ چھٹیاں منانے آتے ہیں۔ یہ چیری فیسٹول کیلئے بھی جانا جاتا ہے۔