انتاویدی کے قریب سمندر میں پھنسے جہاز کے 13 ارکان کو بچا لیا گیا

امراوتی: خلیج بنگال میں طوفان کے باعث آندھرا پردیش کے انتاویدی کے قریب سمندر میں ایک تجارتی جہاز پھنس گیا۔ یہ جہاز وشاکھاپٹنم سے سنگاپور جا رہا تھا۔

واقعے کے بعد انڈین کوسٹ گارڈ نے جہاز پر سوار عملے کو بحفاظت نکالنے کے لیے ہیلی کاپٹر کے ذریعہ امدادی کارروائیاں تیز کردی ہیں۔ اب تک 13 ارکان کو ہیلی کاپٹر کے ذریعہ بحفاظت ساحل پر پہنچا دیا گیا ہے۔

اطلاعات کے مطابق، مزید 7 ارکان ابھی بھی جہاز پر موجود ہیں۔ انہیں محفوظ طریقے سے نکالنے کے لیے امدادی کارروائیاں جاری ہیں۔

طوفان کے باعث سمندر میں خراب موسمی حالات کے باوجود کوسٹ گارڈ کی ٹیمیں صورتحال پر نظر رکھے ہوئے ہیں اور باقی عملے کو بچانے کی کوششیں کررہی ہیں۔

امدادی کارروائیوں میں مزید پیش رفت کی تفصیلات کا انتظار ہے۔