تلنگانہ میں 14 نئے ایکسائز اسٹیشن قائم کئے جائیں گے

حیدرآباد: تلنگانہ میں طویل انتظار کے بعد 14 نئے ایکسائز اسٹیشنس قائم کئے جائیں گے۔ اگرچہ حکومت نے اگست 2020 میں ہی اس کے احکامات جاری کر دیئے تھے، لیکن تقریباً ساڑھے چار سال بعد اب یہ اسٹیشنس عملی طور پر کام کرنے جا رہے ہیں۔

یکم اپریل سے ان میں سرگرمیاں شروع ہونے والی ہیں۔ اس سلسلہ میں ایکسائز کمشنر ہری کرن نے حال ہی میں احکامات جاری کئے، جن میں نئے ایکسائز اسٹیشنس کے حدود اور دفاتر کی عمارتوں سے متعلق تفصیلات شامل ہیں۔

جب تک کہ نئے عہدیداروں کا تقررنہیں ہوجاتا پرانے اسٹیشنس کے ہاؤس آفیسرس کو ہی نئے اسٹیشنس کی اضافی ذمہ داریاں سونپی گئی ہیں۔

اس کے علاوہ، 6نئے ایکسائز اسٹیشنس کو عارضی طور پر پرانے مشترکہ دفاتر میں ہی چلایا جائے گا۔ حکومت نے 15 اپریل تک ان کے لئے نئی عمارتوں کی تلاش مکمل کرنے کی ہدایت دی ہے۔