دریائے گنگا میں نہانے کے دوران 2 لڑکے غرقاب

پرتاپ گڑھ : اترپردیش میں پرتاپگڑھ ضلع ہیڈکواٹر سے ستر کلو میٹر مسافت پر تھانہ ہتھگواں علاقے کے شاہ پور گاوں میں جمعہ کی دوپہر دریائے گنگا میں نہاتے وقت جہاں دو لڑکے ڈوب گئے ،وہیں ایک کو محفوظ نکال لیا گیا ۔

تھانہ ہتھگواں ایس ایچ او سنتوش سنگھ نے آج بتایا کہ توفیق 15 ولد بابو ،عقیل 17 ولد بادشاہ و رفیق 18 ساکنان شاہ پورسمیت تینوں گاوں سے گزرنے والی گنگا ندی میں نہانے گئے تھے ،کہ گہرے پانی میں جانے سے تینوں ڈوبنے لگے تو موجود لوگوں نے رفیق کو تو محفوظ نکال لیا ،مگر دونوں پانی میں بہہ جانے کے سبب ڈوب گئے ۔جائے حادثہ پر پولیس موجود ہے ،لاش کی تلاش جاری ہے ۔