لبنان پر اسرائیلی فضائی حملے میں حزب اللہ کے 2 جنگجو مارے گئے

بیروت: لبنان کی مسلح تنظیم حزب اللہ کے دو ارکان اتوار کی سہ پہر جنوب مشرقی لبنان کے حولہ گاؤں کو نشانہ بنانے والے اسرائیلی فضائی حملے میں مارے گئے۔ لبنانی فوج اور طبی ذرائع نے یہ اطلاع دی۔

نام ظاہر نہ کرنے والے ذرائع نے بتایا کہ ایک اسرائیلی جنگی طیارے نے حولہ میں ایک مکان کو ہوا سے زمین پر مار کرنے والے دو میزائلوں سے نشانہ بنایا اور اسے تباہ کر دیا۔

جس سے محمد فرحت اور علی عمرو گھر کے اندر دم توڑ گئے۔

ذرائع نے بتایا کہ سول ڈیفنس کی ٹیموں نے ملبہ ہٹانے کا کام شروع کر دیا۔ جب کہ ایک ایمبولینس دونوں لاشوں کو جنوبی لبنان کے شہر نباتیح کے ایک اسپتال لے گئی۔

انہوں نے کہا کہ اسرائیلی ڈرونز اور جنگی طیاروں نے اتوار کی شام جنوبی لبنان کے چار گاؤو ں اور قصبوں پر چھ حملے کیے اور اسرائیلی توپ خانے نے جنوبی لبنان کے آٹھ سرحدی قصبوں اور گاؤوں پر 30 گولے داغے۔