ضلع سرسلہ میں 30بندر مردہ پائے گئے

کریم نگر (پی ٹی آئی) ضلع راجنا سرسلہ میں تقریباً30بندر مردہ پائے گئے۔ پولیس نے ہفتہ کے روز بتایا کہ ویملواڑہ پولیس اسٹیشن کے حدود کے تحت نامپلی گاؤں کے نواح میں جمعہ کے روز 30بندروں کی لاشیں دستیاب ہوئیں۔

ان لاشوں کو پوسٹ مارٹم کیلئے وٹرنری ہاسپٹل منتقل کردیا گیا۔ پوسٹ مارٹم رپورٹ ملنے کے بعد ہی بندروں کی اموات کی وجوہات کا علم ہوسکے گا۔

پولیس کے ایک عہدیدار نے بتایا کہ بندروں کی اموات کا پتہ لگانے کیلئے اس علاقہ کی سی سی ٹی وی فوٹیج کا جائزہ لیا جارہا ہے۔

پولیس نے بی این ایس کے مختلف دفعات کے تحت کیس درج کرلیا ہے۔