حالت نشہ میں گاڑی چلانے والے 5ہزار افراد کوجیل بھیج دیاگیا

حیدرآباد: حالت نشہ میں گاڑیاں چلانے کے الزام میں 31دسمبر سے کل رات تک تینوں کمشنریٹ میں ایک لاکھ 6ہزار مقدمات درج کئے گئے اور تقریباً 5ہزار سے زیادہ افراد کوجیل بھیج دیا گیا۔

پولیس ذرائع کے بموجب سال نو کے موقع سے روزانہ حیدرآباد‘سائبرآباد اور چہ کنڈہ کمشنریٹ میں رات کے اوقات میں حالت نشہ میں گاڑیاں چلانے والوں کے خلاف ٹرافک پولیس مہم چلارہی ہے۔ سال نوکے موقع پرتوٹرافک پولیس کی جانب سے جگہ جگہ جانچ کی جارہی تھی۔

 سٹی پولیس نے 37 ہزار سے زائد مقدمات درج کئے ہیں جبکہ سائبرآباد پولیس نے سب سے زیادہ 52 ہزار سے زیادہ مقدمات درج کئے ہیں اور رچہ کنڈہ پولیس نے 16 ہزار سے زائد مقدمات درج کئے ہیں۔