مکہ مکرمہ میں خاتون کو ہراساں کرنے پر غیر ملکی گرفتار

مکہ مکرمہ: مکہ مکرمہ میں پولیس نے ایک عام مقام پر اجتماعی جھگڑے میں ملوث 6 غیرملکیوں کو حراست میں لے لیا۔سعودی خبر رساں ادارہ کی رپورٹ کے مطابق محکمہ امن عامہ کے بیان میں بتایا گیا ہے کہ ایک وائرل ویڈیو میں دیکھا جاسکتا ہے کہ پاکستانی اور بنگلہ دیشی شہری کسی تنازعہ پر جھگڑا کررہے تھے۔

رپورٹس کے مطابق مکہ مکرمہ سے زیر حراست ملزمین کو ابتدائی قانونی کارروائی کے بعد پبلک پراسیکوشن کے حوالہ کردیا گیا۔علاوہ ازیں قصیم ریجن میں پولیس نے جنرل ڈپارٹمنٹ آف کمیونٹی سیکوریٹی اینڈ کامبیٹنگ ہیومن ٹریفکنگ کرائمس کے تعاون سے ایک خاتون کو ہراساں کرنے کے الزام میں غیرملکی کو گرفتار کیا ہے۔

بیان کے مطابق یمنی باشندہ صادق سعید فرحان کو ابتدائی قانونی کارروائی کے بعد پبلک پراسیکیوشن کے حوالہ کردیا گیا۔اس سے قبل سعودی عرب میں سیکوریٹی حکام کی جانب سے ریاض اور حائل سے منشیات کی اسمگلنگ میں ملوث کریمنل گینگ کے 37  ارکان کو حراست میں لے لیا گیا تھا۔

سعودی خبر رساں ادارہ کی رپورٹ کے مطابق وزارت داخلہ کے سرکاری ذرائع کا اس حوالہ سے کہنا ہے کہ گرفتار شدگان میں وزارت داخلہ کے 6 ملازمین شامل ہیں۔رپورٹس کے مطابق زیر حراست افراد میں 28 سعودی‘ 5 شامی‘ 2  ایتھوپین اور 2 یمنی شہری شامل ہیں جو نشہ آور اشیا اور منشیات کے حصول اور اسمگلنگ میں ملوث پائے گئے۔

اس کے علاوہ سعودی شہریوں میں وزارت دفاع اور وزارت نیشنل گارڈ کے 2‘ 2 جبکہ وزارت داخلہ اور وزارت صحت کا ایک اہلکار شامل ہے۔وزارت داخلہ کی جانب سے حراست میں لئے گئے افراد کو ضروری قانونی کارروائی کے بعد پبلک پراسیکوشن کے حوالہ کردیا گیا ہے۔بیان کے مطابق سیکوریٹی ایجنسیاں منشیات کے ذریعہ مملکت اور اس کے نوجوانوں کو ہدف بنانے کی تمام مجرمانہ سازشوں کے خلاف چوکس ہیں۔