سدی پیٹ میں لکڑبگھا کے حملہ میں 60 بکرے ہلاک

حیدرآباد: لکڑبگھا کے حملہ میں 60 بکرے ہلاک ہوگئے۔ یہ واقعہ تلنگانہ کے سدی پیٹ ضلع کے مادھوپور میں پیش آیا۔ اس واقعہ کی مقامی افراد کی جانب سے اطلاع پر محکمہ جنگلات کے عہدیدار وہاں پہنچے جنہوں نے اس واقعہ کی تفصیلات حاصل کیں۔

ان بکروں کے مالک کسان ملیا نے کہا کہ رات میں اس نے اپنے کھیت کے قریب ان بکروں کو باندھا تھا تاہم جب وہ صبح واپس ہوا تو اس نے دیکھا کہ لکڑبگھے کے حملہ کے سبب 60 بکرے ہلاک ہوگئے اوردیگر 20 بکرے زخمی ہوگئے ہیں۔

اس واقعہ کی اطلاع پر محکمہ جنگلات کے عہدیداروں نے وہاں پہنچ کر زخمی بکروں کو علاج کے لئے دواخانہ منتقل کردیا۔انہوں نے کہاکہ جلد ہی اس علاقہ میں سی سی ٹی وی کیمرے نصب کئے جائیں گے۔ کسان ملیا نے اس واقعہ پر شدید دکھ کا اظہار کرتے ہوئے معاوضہ اداکرنے ریاستی حکومت سے مطالبہ کیا ہے۔