اے پی کی تروملاگھاٹ روڈ پر سڑک حادثہ میں 6افراد شدید زخمی

حیدرآباد: آندھراپردیش کی تروملاگھاٹ روڈ پر پیش آئے سڑک حادثہ میں 6 افراد شدید زخمی ہوگئے۔

یہ حادثہ دوسری گھاٹ روڈ پر موڑ کے قریب اُس وقت پیش آیا جب ایک کار تیز رفتاری سے ریلنگ سے ٹکرا گئی۔

پہلی گاڑی کا ٹائر پنکچر ہونے کے نتیجہ میں اس کے ڈرائیور نے اس کا توازن کھودیا اور یہ کار ریلنگ سے ٹکراگئی جبکہ اسی دوران دوسری کار، پہلی کار سے ٹکراگئی جس کے سبب وجئے واڑہ کے دو ضعیف افراد سمیت 6 افراد شدید زخمی ہو گئے جن کو علاج کے لئے تروملا اسپتال منتقل کیا گیا۔

اس حادثہ میں کار تباہ ہوگئی۔ پولیس کا کہنا ہے کہ حادثہ کی وجہ تیز رفتاری ہے۔