حیدرآباد:ایمبولنس حادثہ کی شکار۔ڈرائیور ہلاک

حیدرآباد: مریض کو اسپتال سے گھر چھوڑنے کے بعد واپسی کے دوران ایک ایمبولنس گاڑی حادثہ کا شکار ہوگئی جس کے نتیجہ میں ایمبولنس ڈرائیور کی موت ہوگئی۔

اس ڈرائیور کی شناخت 35سالہ مہیش کے طورپر کی گئی ہے۔

یہ حادثہ شہرحیدرآبادکے بی این ریڈی نگر چوراہے پر پیش آیا۔ پولیس کے مطابق، ملک پیٹ کے ایک پرائیویٹ اسپتال میں زیر علاج مریض کو ایمبولینس میں ابراہیم پٹنم میں واقع اس کے گھر لے جایا گیا۔

واپسی کے دوران ساگر روڈ پر بی این ریڈی چوراہے پر ایمبولینس کے ڈرائیور نے اس کا توازن کھودیا اور یہ گاڑی ڈیوائیڈر سے ٹکرا گئی۔

اس حادثہ میں ڈرائیور شدید زخمی ہوگیا۔ جس کے نتیجہ میں ڈرائیور بے ہوش ہوگیا۔

اس حادثہ کی شدت سے ایمبولنس میں رکھا آکسیجن سلنڈر پھٹ گیا اور ایمبولینس تباہ ہو گئی۔

اس دوران ڈرائیور کی موت ہو گئی، لاش کو عثمانیہ اسپتال کے مردہ خانہ منتقل کر دیا گیا۔