مرزا پور میں گاؤکشی کے الزام میں 8 حراست میں
اترپردیش کے ضلع مرزاپور کے شہر کوتوالی علاقے میں گؤ کشی کے الزام میں پولیس نے 8 افراد کو حراست میں لیا ہے۔
مرزاپور(یواین ائی) اترپردیش کے ضلع مرزاپور کے شہر کوتوالی علاقے میں گؤ کشی کے الزام میں پولیس نے 8 افراد کو حراست میں لیا ہے۔
سپرنٹنڈنٹ آف پولیس نے ضلع اسپتال کی پوری چوکی کے پولیس اہلکار کو معطل کردیا ہے۔ شہر کوتوالی تھانہ انچارج کے خلاف جانچ کمیٹی تشکیل دی گئی ہے۔
علاقہ میں کثیر تعداد میں پولیس نفری تعینات کی گئی ہے۔اتوار کو رام باغ محلے میں واقع قریشی نگر میں گؤ کشی کر گوشت فروخت کا ایک مبینہ ویڈیو سوشل میڈیا پر سامنے آیا جس کے بعد شہر بی جے پی صدر سمیت ہندو تنظیمیں اس کی مخالفت میں کھڑی ہوگئیں۔
معاملے کی سنگینی کو دیکھتے ہوئے خود ضلع پولیس سربراہ ابھینندن سبھی گھروں کی تلاشی کرائی۔ ایک مکان سے گوشت ملا ہے۔ حالانکہ گوشت کو جانچ کے لئے بھیجا گیا ہے۔
ایس پی ابھینندن نے بتایا کہ پولیس چوکی کے نزدیک گوشت فروخت کے معاملے میں پوری چوکی کو معطل کردیا گیا ہے۔
انہوں نے بتایا کہ چوکی انچارج ہری شنکر یادو سمیت سات دیگر پولیس اہلکار کو معطل کیا گیا ہے جس میں محمد انصار، پروین کمار، سدھیر سہائے، ستیش یادو، سنجے یادو، پریم پرکاش، اجئے گوتم اور سنجے سنگھ شامل ہیں۔
