اے پی کے ضلع چتور میں بس کی ٹریکٹر کو ٹکر

حیدرآباد: آندھراپردیش کے ضلع چتورمیں پیش آئے سڑک حادثہ میں بس کے بعض مسافرین معمولی زخمی ہوگئے۔

یہ حادثہ ضلع کے نلگم پلی علاقہ میں اُس وقت پیش آیا جب ٹریکٹر کو اوورٹیک کرنے کی کوشش کے دوران پرائیویٹ ٹراویلس کی بس کے ڈرائیور نے اس کا توازن کھودیا اور اس بس نے لکڑیوں کے لوڈ کے ساتھ جانے والے ٹریکٹر کو ٹکر دے دی۔

یہ بس کیرل سے آرہی تھی۔زخمیوں کو بنگاروپالم سرکاری اسپتال منتقل کیاگیا۔