ٹی یو ڈبلیو جے ایف کے ایک وفد کی چیرمین تلنگانہ میڈیا اکیڈیمی سے ملاقات

حیدرآباد: تلنگانہ اردو ورکنگ جرنلسٹس فیڈریشن (TUWJF) کے ایک وفد نے چہارشنبہ کے روز چیئرمین تلنگانہ میڈیا اکیڈمی کے. سرینواس ریڈی سے ملاقات کی۔

وفد نے اکیڈمی کے نام اور لوگو میں اردو زبان کو شامل کرنے کا مطالبہ کیا اور اردو صحافیوں کے لیے خصوصی تربیتی پروگرام منعقد کرنے کی تجویز پیش کی، جس پر چیئرمین نے مثبت ردعمل دیا۔

نئی جی او (اعزازی کارڈ قواعد) کے بارے میں پوچھنے پر چیئرمین نے بتایا کہ یہ معاملہ حکومت کے زیر غور ہے۔

وفد کی قیادت ایم اے مجید (صدر) نے کی، دیگر ارکان میں سید غوث محی الدین (جنرل سکریٹری)، سید شاہ عظمت (وائس پریسڈنٹ)، محمد لئیق، سید واجد حسینی (جوائنٹ سکریٹریز)، محمد علیم الدین (ایگزیکٹیو ممبر و سینئر فوٹو جرنلسٹ) اور دیگر شامل تھے۔