آندھراپردیش کے ضلع اننت پور میں آئی ڈی بی آئی بینک کی عمارت میں آگ لگنے کا واقعہ

حیدرآباد: آندھراپردیش کے ضلع اننت پور میں آئی ڈی بی آئی بینک کی عمارت میں آگ لگنے کا واقعہ پیش آیا۔

کل شب پیش آئے اس واقعہ میں کسی جانی نقصان یا پھر کسی کے جھلسنے کی کوئی اطلاع نہیں ملی ہے البتہ بڑے پیمانہ پر فرنیچر کو نقصان پہنچا اور کمپیوٹرس بھی جل کر خاکستر ہوگئے۔

آگ لگنے کی وجہ معلوم نہ ہوسکی تاہم سمجھاجاتا ہے کہ شارٹ سرکٹ آگ لگنے کی وجہ ہے۔اس واقعہ کی اطلاع کے ساتھ ہی دوفائربریگیڈس کے عملہ نے وہاں پہنچ کرکافی جدوجہد کے بعد آگ پر قابو پایا۔

بینک میں رکھے دستاویزات بھی آگ کی نذرہوگئے۔اسی دوران بینک کے عہدیداروں نے نشاندہی کرتے ہوئے کہاکہ بینک کے لاکرس میں رکھی رقم بالکل محفوظ ہے اور لاکرس کے مالکین کو اس سلسلہ میں پریشان ہونے کی کوئی ضرورت نہیں ہے۔