بیوی سے علحدگی نہ ہونے پر ایک شخص کا اقدام خودکشی

حیدرآباد: 11 فروری(یواین آئی)بیوی سے علحدگی نہ ہونے پر ایک شخص نے گلا کاٹ کر خودکشی کی کوشش کی۔

تفصیلات کے مطابق تلنگانہ کے راجنا سرسلہ ضلع کے رامنا پیٹ کے رہنے والے کلادھرنامی شخص کا اپنی بیوی کے ساتھ کچھ عرصہ سے جھگڑا ہورہا تھا۔

وہ بیوی سے علحدگی چاہتا تھاتاہم اس کیلئے اس کی بیوی رضامند نہیں ہوئی۔اس پر وہ مایوسی کا شکارہوگیا اور اس نے اپنا گلاکاٹ کرخودکشی کی کوشش کی۔

اس کوزخمی حالت میں اسپتال منتقل کیاگیا جہاں وہ زیرعلاج ہے۔اس بات کی اطلاع پر پولیس نے ایک معاملہ درج کرکے جانچ شروع کردی۔