تلنگانہ کے ضلع جگتیال میں حملہ کرتے ہوئے زخمی کردینے سسرالی رشتہ داروں پر ایک شخص کا الزام

حیدرآباد: تلنگانہ کے ضلع جگتیال میں ایک شخص نے سسرالی رشتہ داروں کی جانب سے حملہ کرتے ہوئے اسے زخمی کرنے کا الزام لگایا۔

اس شخص کی شناخت سائی کمار کے طورپر کی گئی ہے جس کا سسرال ضلع جگتیال کے دھرور کیمپ کے اندرانگر میں ہے۔

اس کی بیوی تین ماہ سے مائیکے میں تھی۔وہ اپنی بیوی کو اپنے ساتھ لے جانے کیلئے آیا تھا۔وہ حالت نشہ میں سسرال پہنچا تھا۔

اس نے الزام لگایا کہ بیوی سے جھگڑے کے دوران سسرالی رشتہ داروں نے اس پر حملہ کرتے ہوئے اسے زخمی کردیا تاہم سسرالی رشتہ داروں نے کہاکہ اس نے خود کوزخمی کرلیاہے۔

اس کو علاج کے لئے جگتیال کے سرکاری اسپتال منتقل کردیاگیا۔پولیس نے اس سلسلہ میں ایک معاملہ درج کرکے جانچ شروع کردی۔