عباس انصاری اشتعال انگیز تقریر معاملہ، ہائی کورٹ کا فیصلہ محفوظ

پریاگ راج (آئی اے این ایس) سابق ایم ایل اے عباس انصاری کے اشتعال انگیز تقریر معاملہ پر الٰہ آباد ہائی کورٹ نے بحث پوری ہونے کے بعد اپنا فیصلہ محفوظ کرلیا۔

انصاری نے عرضی داخل کرکے اسپیشل کورٹ سے ملی 2 سال کی سزا منسوخ کئے جانے کا مطالبہ کیا تھا۔ 2022   اسمبلی الیکشن کے دوران اشتعال انگیز تقریر کے معاملہ میں انہیں سزا سنائی گئی تھی۔

ایم پی۔ ایم ایل اے عدالت مؤ نے انصاری کو 30 مئی کو 2 سال کی سزا اور 3000 روپئے جرمانہ عائد کیا تھا۔

ضلع جج مؤ کی عدالت نے 5جولائی کو عباس کی اپیل خارج کردی تھی جس کے بعد انہوں نے ہائی کورٹ میں عرضی داخل کر ضلع جج مؤ کے فیصلہ کو چیلنج کیا تھا جس پر الٰہ آباد ہائی کورٹ کے جسٹس سمیر زین کی سنگل بنچ معاملہ کی سنوائی کررہی ہے۔