ٹماٹر کی چوری کا الزام، ایک شخص کو کھمبے سے باندھ کر پٹائی کی گئی
سبزی منڈی میں ایک شخص جس کی شناخت ڈانڈے پلی منڈل ربنا علاقہ کے رہنے والے گنگولو کے طورپر کی گئی ہے، کچھ عرصہ سے سبزیوں کے تاجر بسوا کرشنا کے پاس کا م کرتا تھا۔وہ فی الحال گاڑی کے کلینر کے طور پر کام کر رہا تھا۔
حیدرآباد:ٹماٹر کی چوری کا الزام لگاتے ہوئے ایک شخص کو کھمبے سے باندھ کر پٹائی کردی گئی۔بعد ازاں اس کی شکایت پر پٹائی کرنے والوں کے خلاف ایس سی ایس ٹی مظالم ایکٹ کے تحت پولیس نے مقدمہ درج کرلیا۔یہ واقعہ تلنگانہ کے منچریال ضلع میں پیش آیا۔
تفصیلات کے مطابق سبزی منڈی میں ایک شخص جس کی شناخت ڈانڈے پلی منڈل ربنا علاقہ کے رہنے والے گنگولو کے طورپر کی گئی ہے، کچھ عرصہ سے سبزیوں کے تاجر بسوا کرشنا کے پاس کا م کرتا تھا۔وہ فی الحال گاڑی کے کلینر کے طور پر کام کر رہا تھا۔
گنگولو نے بتایا کہ بسوا کرشنا اور اس کے بیٹوں نے اس پر ٹماٹر کی چوری کا الزام لگاتے ہوئے اُس وقت یہ حملہ کیا جب وہ گذشتہ روز بازارآیا تھا۔اس نے پولیس اسٹیشن میں شکایت کی کہ انہوں نے ٹماٹر چوری کرنے کے بہانے ذات کے نام پر اس کی توہین کی۔اس شکایت کی بنیاد پر پولیس نے تاجر اور اس کے بیٹوں کے خلاف مقدمہ درج کر لیا ۔
