شمالی بھارت
ناجائز تعلقات کے شبہ پر بیوہ کو درخت سے باندھ کر مارپیٹ
راجستھان کے اودئے پور ضلع میں خواتین کے ایک گروپ کی جانب سے ناجائز تعلقات کے شبہ پر ایک بیوہ کو درخت سے باندھ کر مارپیٹ کی گئی۔
جئے پور : راجستھان کے اودئے پور ضلع میں خواتین کے ایک گروپ کی جانب سے ناجائز تعلقات کے شبہ پر ایک بیوہ کو درخت سے باندھ کر مارپیٹ کی گئی۔
پولیس نے ہفتہ کے دن یہ بات کہی۔ تقریباً ایک درجن خواتین پر مشتمل گروپ کی جانب سے خاتون کا لباس کھینچا گیا اور بال کاٹ دیے گئے۔
یہ واقعہ ضلع کے دیولا علاقہ میں 29جون کو پیش آیا مگر یہ واقعہ سوشل میڈیا پر مبینہ ویڈیو نمودار ہونے کے بعد روشنی میں آیا۔
اودئے پور کے سپرنٹنڈٹ آف پولیس (ایس پی) بھوان بھوشن یادو نے کہا کہ ہم نے آئی پی ایکٹ اور تعزیرات ہند کی متعلقہ دفعات کے تحت کیس درج رجسٹر کیا ہے۔
ملزمین کو گرفتار کرنے کیلئے ٹیمیں بھیجی گئی ہیں۔ ہم متاثرہ خاتون کی ممکنہ مدد کریں گے۔ پولیس کے بموجب متاثرہ سلوائی کا کام کرتی ہے اور ایک سال قبل اس کے شوہر کی موت ہوگئی۔ خاتون کو ایک پانچ سالہ بیٹا بھی ہے۔
a3w