ٹولی چوکی میں جلسہ یومُ الفرقان کا انعقاد

حیدرآباد :یومُ الفرقان کے موقع پر ایم جی ایچ کالونی ٹولی چوکی آڈیٹوریم میں ایک جلسہ یوم الفرقان منعقد کیا گیا۔ اس موقع پر جناب اسرار احمد خسرو صاحب، امیرِ مقامی جماعتِ اسلامی ہند نانل نگر نے اجتماع سے خطاب کرتے ہوئے "جنگِ بدر ، پس منظر، حالات اور پیغام” کے عنوان پر مفصل گفتگو کی۔

انہوں نے اپنے خطاب میں غزوۂ بدر کی تاریخی اہمیت، اس کے اسباب اور امتِ مسلمہ کے لیے اس میں پوشیدہ پیغام کو واضح کیا۔

اس پروگرام میں تقریباً پچاس افراد نے شرکت کی۔ اس موقع پر جناب مشتاق احمد صاحب، امیرِ مقامی جماعتِ اسلامی ہند برنداون کالونی اور جناب عبدالہادی پٹیل صاحب، تنظیمی سیکریٹری ودیگر بھی موجود تھے۔پروگرام کی نظامت جناب فاروق احمد صاحب نے انجام دی۔