امریکہ، غزہ ہاسپٹل پر حملہ کا ذمہ دار: اسمٰعیل ھنیہ

غزہ: حماس سیاسی بیورو کے سربراہ اسمٰعیل ھنیہ نے کہا ہے کہ غزہ کے الاہلِی باپٹسٹ ہاسپٹل پر اسرائیلی حملے کا ذمہ دار امریکہ ہے۔

ھنیہ نے جاری کردہ ویڈیو پیغام میں کہا ہے کہ "اسرائیل کی بمباری ایک ایسا قتل عام ہے جواس کی وحشیانہ کاروائیوں کی فلسطینی مزاحمت کے ہاتھوں اٹھائی گئی ہزیمت کا کھلا ثبوت ہے۔ یہ قتل عام صیہونیوں کے فلسطین پر قبضہ کے آغاز سے اب تک کئے گئے قتل عاموں میں شامل ہو گیا ہے۔

ان کی جبّلت ہی یہی ہے۔ قتل عام کرنا ان کی خصوصیت ہے "۔ھنیہ نے کہا ہے کہ اسرائیل کی آنکھوں میں نہ تو تہذیب و ثقافت کا کوئی لحاظ ہے اور نہ ہی قانون کا احترام۔

ایک ہی جگہ پر واقع کلیسا، مسجد اور ہسپتال کو نشانہ بنانے والے ہی نہیں اس مکروہ فعل کی مذّمت نہ کرنے والے بھی اس حملے کے ذمہ دار ہیں۔

انہوں نے فلسطینی عوام سے دریائے اردن کے مغربی کنارے سمیت تمام شہروں اور گلیوں محلّوں میں قابضوں اور آبادکاروں کے مقابل باہر آنے کی اپیل کی اور کہا ہے کہ "جب تک قبضہ ختم نہیں ہو جاتا مزاحمت جاری رہے گی”۔واضح رہے کہ غزّہ کے الاہلِ بپٹسٹ ہسپتال پر اسرائیل حملے کے نتیجے میں 500 افراد ہلاک ہو گئے ہیں۔