امریکی لڑکی اور تلنگانہ کا لڑکا شادی کے بندھن میں بندھ گئے

حیدرآباد: امریکی لڑکی اور تلنگانہ کا لڑکا شادی کے بندھن میں بندھ گئے۔یہ انوکھی شادی تلنگانہ کے ضلع جگتیال میں انجام پائی۔یہ لڑکا جس کی شناخت ضلع کے ملیال کے رہنے والے کے پربھو کے طورپر کی گئی ہے، امریکہ گیا تھا۔

وہاں ملازمت کے دوران اس کی ملاقات اسی دفتر میں کام کرنے والی ٹیکساس سے تعلق رکھنے والی سیسیلیا سے ہوگئی جو محبت میں تبدیل ہوگئی۔اس نے محبت کا اظہار کیاجس کو لڑکی نے قبول کرلیا اور ان دونوں نے جگتیال ضلع میں شادی کرنے کا فیصلہ کیا۔

ان دونوں کے خاندانوں نے شادی سے اتفاق کیا اور یہ شادی ہندو روایات کے مطابق ضلع جگتیال میں رشتہ داروں کی موجودگی میں انجام پائی۔اس موقع پر میڈیا سے بات کرتے ہوئے سیسلیا نے کہا کہ وہ تلگوروایت کے مطابق شادی کر کے بہت خوش ہے۔