امیت شاہ کھمم میں عوامی جلسہ سے خطاب کریں گے

حیدرآباد: تلنگانہ میں بی جے پی کی انتخابی مہم کو تقویت دینے کے لئے مرکزی وزیر داخلہ امیت شاہ 27اگست کوکھمم میں ایک عوامی جلسہ سے خطاب کریں گے۔جلسہ عام سے قبل ایک ریالی کااہتمام کیاجائے گا جس میں لاکھوں افراد کی شرکت متوقع ہے۔

مجوزہ اسمبلی انتخابات کے لئے بی آرایس امیدواروں کے ناموں کی فہرست کی اجرائی کے بعد امیت شاہ کا یہ پہلا دورہ تلنگانہ ہے۔امیت شاہ‘ اپنے دورہ کے دوران پارٹی کے سینئر قائدین سے ملاقات کریں گے اور ریاست میں بی جے پی کی انتخابی مہم کی تیاریوں کا جائزہ لیں گے۔

 بی جے پی قائدین کا کہناہے کہ ریاست میں مخالف کے سی آر اور مخالف حکومت لہر چل رہی ہے۔ سماج کے تمام طبقات بشمول طلبہ ونوجوان‘ملازمین اورکسان حکومت پر برہم ہیں۔