آرٹی سی بس اورلاری متصادم۔ڈرائیور زخمی

حیدرآباد: تلنگانہ کے ضلع سدی پیٹ کے گجویل پرگیہ پور کے قریب آؤٹر رنگ روڈ پر ایک آر ٹی سی بس اور لاری کے درمیان تصادم کا واقعہ پیش آیا جس کے نتیجہ میں بس ڈرائیور زخمی ہو گیا۔

تفصیلات کے مطابق، کریم نگر ڈپو سے تعلق رکھنے والی آر ٹی سی بس جب آؤٹر رنگ روڈ سے گزر رہی تھی تو وہاں پہلے سے کھڑی ایک لاری کو اس نے پیچھے سے ٹکر مار دی۔

اس حادثہ میں بس کا ڈرائیور زخمی ہو گیا جسے مقامی افرادنے فوری طور پر ابتدائی طبی امداد کے لئے قریبی اسپتال منتقل کیا۔

عینی شاہدین کا کہنا ہے کہ حادثہ کافی شدید تھا لیکن خوش قسمتی سے ایک بڑا جانی نقصان ٹل گیا جس پر وہاں موجود افرادنے راحت کی سانس لی۔