انکُرا ہاسپیٹلز کا پری میتھون 2025 کا آغاز، سائنا نہوال نے حیدرآباد میں واکاتھون کی قیادت کی
قبل از وقت پیدائش کے خطرات اور بروقت نگہداشت کی اہمیت اجاگر کرنے کے لیے یہ واکاتھون ملک کے چھ شہروں — حیدرآباد، پونے، کھمم، وجے واڑہ، تیرپتی اور بھونیشور — میں بیک وقت منعقد ہوا۔
حیدرآباد: انکُرا ہاسپیٹلز نے آیو فاؤنڈیشن کے اشتراک سے قبل از وقت پیدائش کے بارے میں قومی سطح پر شعور بیدار کرنے کی مہم "Born Too Soon, But in the Safest Hands” کے تحت پری میتھون 2025 کا آغاز کیا۔
قبل از وقت پیدائش کے خطرات اور بروقت نگہداشت کی اہمیت اجاگر کرنے کے لیے یہ واکاتھون ملک کے چھ شہروں — حیدرآباد، پونے، کھمم، وجے واڑہ، تیرپتی اور بھونیشور — میں بیک وقت منعقد ہوا۔
حیدرآباد میں منعقدہ مرکزی تقریب میں اولمپک بیڈمنٹن اسٹار سائنا نہوال نے بطور مہمانِ خصوصی شرکت کی۔ انہوں نے انکُرا ہاسپیٹلز کی جانب سے قبل از وقت پیدا ہونے والے بچوں اور ان کے والدین کی معاونت کے لیے کی جانے والی کاوشوں کی ستائش کی۔
تقریب میں محترمہ ارچنا سریش، سابق ڈائریکٹر سی ایس آر ونگ، حکومتِ تلنگانہ، نے مہمانِ اعزاز کی حیثیت سے شرکت کرتے ہوئے ماں اور بچے کی صحت سے متعلق عوامی اور کمیونٹی سطح پر آگاہی کو ناگزیر قرار دیا۔
انکُرا ہاسپیٹلز کے چیئرمین و مینیجنگ ڈائریکٹر، نیونیٹولوجسٹ ڈاکٹر کرشنا پرساد نے اپنے خطاب میں کہا کہ پری میتھون امید، شعور اور بروقت نیونیٹل کیئر کی اہمیت کی علامت ہے، جس کا مقصد قبل از وقت پیدا ہونے والے بچوں کو محفوظ اور معیاری طبی نگہداشت فراہم کرنا ہے۔
ورلڈ پریمیچیورٹی ڈے کے موقع پر اس قومی مہم کے ذریعے قبل از پیدائش دیکھ بھال، دورانِ حمل غذائیت، والدین کی جذباتی معاونت اور لیول-3 این آئی سی یو کی ایڈوانس خدمات کی اہمیت پر خصوصی توجہ مرکوز کی گئی۔
انکُرا ہاسپیٹلز نے اس موقع پر ماں اور بچے کی مکمل، معیاری اور محفوظ طبی نگہداشت کے اپنے عزم کا اعادہ کیا۔
