سعودی عرب کا غیر ملکیوں کو شہریت دینےکا اعلان، شاہی فرمان جاری

ریاض: سعودی عرب کے فرمانروا شاہ سلمان بن عبدالعزیز آلِ سعود نے متعدد شعبوں میں اہل اور قابل افراد کیلئے بڑا اعلان کیا ہے۔

عرب میڈیا رپورٹ کے مطابق سعودی فرمانروا شاہ سلمان نے متعدد شعبوں میں اہل اور قابل افراد کو سعودی شہریت دینے کا اعلان کردیا۔

شاہی فرمان کے مطابق سائنسدانوں، طبی ماہرین، محقیقین، انوویٹرز، کاروباری افراد، منفرد حلاحیت اور مہارت کے حامل ممتاز ہنر مندوں کو سعودی شہریت دی جائے گی۔

رپورٹ کے مطابق سعودی شہریت دینے کا مقصد وژن2030 کے لیے پُرکشش ماحول مہیا کرنا، غیر معمولی تخلیقی ذہنوں کو متوجہ کرنا اور سرمایہ کاری اور ترقی میں حصہ ڈالنے کی حوصلہ افزائی کرنا ہے۔

یاد رہے کہ 2021 میں بھی شاہی فرمان کے تحت مختلف شعبہ ہائے زندگی میں نمایاں صلاحیت اور کارکردگی کا مظاہرہ والی شخصیات کو سعودی عرب کی شہریت دی جا چکی ہے۔