اے پی:دن دہاڑے بینک سے ایک شخص نے 6.5لاکھ روپئے لوٹ لئے

حیدرآباد: آندھراپردیش کے مغربی گوداوری کے نرساپورم میں ایک بینک سے ایک شخص نے 6.5لاکھ روپئے کی رقم لوٹ لی۔

اس واقعہ کا سی سی ٹی وی فوٹیج سوشیل میڈیا کے مختلف پلیٹ فارمس پر تیزی کے ساتھ وائرل ہوگیا۔بینک کے اسٹاف کے مطابق چہرہ پر ماسک لگائے ہوئے ایک شخص بینک کے اندرداخل ہوااور کیاشیر سے گولڈلون کی خواہش کی۔

عہدیدار نے ویری فکیشن آفیسر کے آنے تک باہر انتظار کرنے کی خواہش کی اور کہا کہ وہ اپنے چہرہ سے ماسک نکالے تاہم اس شخص نے کہاکہ اس کی صحت ٹھیک نہیں ہے۔

بعد ازاں اس شخص نے اپنے بیگ سے چاقو نکالا اور دھمکاتے ہوئے ٹیبل پر رکھے 6.5لاکھ روپئے کی رقم لے کر فرارہوگیا۔

اس واقعہ کی اطلاع پر پولیس بینک پہنچی جس نے سی سی ٹی وی فوٹیج کی جانچ کی اور ایک معاملہ درج کرلیا۔