اے پی:نئی کار کی خریدی، دوستوں کو دعوت کے بعد واپسی کے دوران حادثہ،تین افراد ہلاک

حیدرآباد: حال ہی میں خریدی گئی کار پر دوستوں کو دعوت دینے کے بعد واپسی کے دوران پیش آئے سڑک حادثہ میں تین افراد ہلاک ہوگئے۔

یہ حادثہ آندھراپردیش کے ضلع اننت پور میں پیش آیا۔پولیس کے مطابق ضلع کے تاڑی پتری کے رہنے والے موہن ریڈی نے یہ کار خریدی تھی۔

دوستو کے اصرار پر اس نے ان کو کل شب ڈنردیا، رات کے کھانے کے بعد واپسی کے دوران یہ کارضلع کے وینکٹاپلے گاوں میں درخت سے ٹکراگئی۔

حادثہ کا شکار ہوگئی۔ موہن ریڈی، وشنو وردھن اور نریش ریڈی کار میں سوار تھے۔اس حادثہ میں تینوں موقع پر ہی ہلاک ہوگئے۔

ایک اور نوجوان جس کی شناخت سرینواس کے طورپر کی گئی ہے،زخمی ہوگیا۔

پولیس نے بتایا کہ لاشوں کو سرکاری اسپتال منتقل کیا گیا ہے۔ پولیس نے شبہ ظاہر کیا کہ حادثہ کی وجہ شراب کا نشہ تھا۔