اے پی ایکسائز سرکشا ایپ: جعلی شراب کی فروخت روکنے کے لئے سرکاری قدم

حیدرآباد: اے پی کے حکام نے سوشل میڈیا پر پھیلنے والے فرضی اور گمراہ کن پروپگنڈہ کو تکنیکی طریقہ سے روکنے کے لئے ایک نیا اقدام شروع کیا ہے۔

حکومت نے ”اے پی ایکسائز سرکشا” نامی ایپ جاری کی ہے جس کے ذریعہ صارفین خود اس بات کی تصدیق کر سکیں گے کہ وہ جو شراب خرید رہے ہیں وہ اصلی ہے یا جعلی۔

اسی ایپ کے فروغ کے لئے متعلقہ حکام نے تشہیری منصوبے بھی تیار کئے ہیں۔

سرکاری حکام نے ریاستِ آندھرا پردیش میں نقلی شراب تیار کرنے والے گروہوں پر قابو پانے کے لئے یہ ایپ متعارف کرائی ہے۔ وزیراعلیٰ چندرابابو نائیڈو نے اس ایپ کا افتتاح کیا۔ اس ایپ کے ذریعہ اب نقلی مشروبات کی فروخت کو مؤثر انداز میں روکا جا سکے گا۔

صارفین کو شراب کی بوتل پر موجود بار کوڈ اسکین کرنا ہوگا۔ اسکین کرنے کے فوراً بعد بوتل کا ہیلو کوڈ، برانڈ نام، مقدار، بیچ آئی ڈی، بنانے والی کمپنی، تیار ہونے کی تاریخ، ایم آر پی، کون سے ڈپو سے آئی ہے اور کس دکان میں فروخت جانی ہے۔

یہ تمام تفصیلات صارف کے موبائل پر دکھائی دیں گی۔ جب یہ معلومات بوتل پر چھپی ہوئی مہر شدہ تفصیلات سے ملائی جائیں گی تو معلوم ہو جائے گا کہ یہ شراب یا مشروب اصلی ہے یا جعلی۔ یہ سسٹم آئندہ جعلی مشروبات کی فروخت روکنے میں مرکزی کردار ادا کرے گا۔