اے پی: کپڑوں کے شوروم میں آگ، تین کروڑروپئے مالیت کانقصان

حیدرآباد: آندھراپردیش کے ضلع پرکاشم، درسی علاقہ میں کپڑوں کے شوروم میں اچانک بڑے پیمانہ پر آگ لگ گئی۔

شارٹ سرکٹ کے نتیجہ میں یہ آگ بھڑک اٹھی۔آگ کے ساتھ کثیف دھواں بھی نظرآرہاتھا۔

آگ کافی شدید تھی جس پرقابو پانے کے لئے فوری طورپر فائرانجنوں کو طلب کیاگیا تاہم فائر بریگیڈ کے اہلکاروں کو آگ پر قابو پانے میں کافی جدوجہد کا سامنا کرناپڑا۔

ابتدائی تخمینہ میں تقریبا تین کروڑروپئے کے نقصان کا پتہ چلا ہے۔

شوروم میں کپڑے ہونے کی وجہ سے آگ تیزی کے ساتھ پھیلتی چلتی گئی۔

اس واقعہ کے ساتھ ہی مقامی افراد اپنی جان بچانے کیلئے دوڑپڑے۔